नागरिकलाई खाद्य संकट हुन नदिन बंगलाचुली गाउँपालिकामा खाद्य बैँक स्थापना,खाद्य सामाग्री जुट्ने क्रम सुरु

दाङ ,चैत्र १८  आफ्ना नागरिकलाई खाद्य संकट हुन नदिन बंगलाचुली गाउँपालिकाले खाद्य बैँक स्थापना गरेर खाद्य सामाग्री जुटाउने अभियानको थालनि गरेको छ । कोरोना भाईरसले विश्व आक्रान्त पारेको र देशभर भएको लकडाउनको अवधिमा बंगलाचुली गाउँपालिकामा खाद्य संकट हुन नदिनका लागि गाउँपालिकाले खाद्य बैँक स्थापना गरेको बंगलाचुली गाउँपालिका अध्यक्ष भक्त बहादुर वलीले जानकारी दिनुभयो ।

यसै विच गाउँपालिकाले स्थापना गरेको खाद्य बैँकमा खाद्य सामाग्री जुट्ने क्रम सुरुभएको छ । गाउँपालिकाले स्थापना गरेको खाद्य बैँकमा सगरमाथा सिमेन्ट उद्योग, राष्ट्रिय युवा संघ नेपाल दाङले खाद्य सामाग्री उपलब्ध गराएको छ । सगरमाथा सिमेन्ट उद्योगले ३३ क्विन्टल ७५ के.जी. चामल, र २ क्विन्टल दाल मंगलबार उपलब्ध गराएको छ भने  १६ क्वीन्टल चामल, १ क्वयीन्टल नुन पुन उपलब्ध गराउने प्रतिब४ता जनाएकोछ ।

त्यसैगरि राष्ट्रिय युवा संघ नेपाल दाङले पनि बंगलाचुली गाउँपालिकालाई खाद्य सामाग्री उपलब्ध गराएको छ ।युवा संघले जिल्ला प्रशासन कार्यालय दाङमा एक कार्यक्रमको आयोजना गरी प्रमुख जिल्ला अधिकारीमार्फत् बंगलाचुली गाउँपालिकालाई खाद्य सामग्री हिजाे  हस्तान्तरण गरेको हो । संघले ४७ बोरा चामल,१ बोरा दाल,२ बोरा सोयाविन,४ पेटि तेल,२ बोरा नुन बंगलाचुली गाउँपालिकाको खाद्य बैँकलाई उपलब्ध गराएको छ ।

यसैगरी बंगलाचुली गाउँपालिकाको कार्यालयमा कार्यरत कर्मचारीहरुले पनि गाउँपालिकालाई सहयोग गरेका छन् । गाउँपालिकालाई प्रमुख प्रशासकीय अधिकृत नेव बहादुर वलीले 20 हजार,आर्थिक प्रशासन प्रमुख नारायण प्रसाद आचार्यले १० हजार,अधिकृत छैठौँ गोपाल के.सीले १० हजार,ईन्जिनियर विकेश न्यौपानेले १० हजार ,सव ईन्जिनियर शक्ति जि.सी.ले ५ हजार, खापासटे पाँचौ भरत डाँगीले ५ हजार,खापासटे चौँथो ऋषिकेष क्षेत्रीले ५ हजार, सहयोग गर्नु भएको छ । 

 बंगलाचुली गाउँपालिकालाई नव सृजनशिल निर्माण सेवा प्रा.लिका रवी गौतमले ५० हजार र , तिरुपाते निर्माण सेवा जे.भी.का प्रविन भण्डारीले २५ हजार, डाक्टर जनार्दन पन्थी द्वारा ५ पपई सेट सहयोग गर्नु भएको छ । गाउँपालिकालाई सहयोग गर्न चाहाने अन्य कर्मचारीहरुले समेत सहयोग गर्न सकिने गाउँपालिका प्रमुख प्रशासकीय अधिकृत वलीले जानकारी गराउनु भएको छ ।

यसैविच बंगलाचुली गाउँपालिकाको कार्यालयले विपद्को समयमा सबैलाई सहयोगको अपिल गरेको छ । गाउँपालिकाले देश तथा विदेशमा रहेका व्यक्ति तथा संघ संस्थाहरुलाई आफ्नो गक्षअनुसारको सहयोगको आह्यवान गरेक हो ।आर्थिक सहयोग गर्न चाहानेहरुका लागि गाउँपालिकाले बंगलाचुली गाउँपालिका विपद् व्यवस्थापन कोषको नाममा खाता खोलिएको छ । सिटिजन्स् बैंक ईन्टरनेस्नल लिमिटेड बंगलुचली शाखामा रहेको खाता नं. 0670100000390201 मा सहयोग रकम जम्ममा गरिदिनुहुन अनुराेध गरेकाे छ  । 

साथै खाद्यन्न तथा अन्य सहयोग गर्न चाहानेहरुका लागि 9849181378,9857835209 र 9857835552 मा संपर्क गर्न समेत अपिल गरिएको छ ।
भिडियो हेर्न यहाँ क्लिक गर्नुहोला